- Lífið er of stutt fyrir vondan mat

Föl og frá?

Föl og frá?

Hnúðkál er frekar litlaust fyrirbæri en það er gott hrátt dýft í góða tamarind sósu og það er himneskt bakað í ofni. Mér finnst fallegast að skera það í stöngla. Þegar skorið er þá má hugsa um svolítið þybbnar franskar. Sett í ofnfast mót, ólífuolía sett yfir og síðan inn í ofn við 180 gráður. Þegar hnúðkálið er farið að taka lit þá er það tekið út og grófu salti stráð yfir og borið fram með piparmyntupestói.

Forréttur fyrir fjóra:

Eitt hnúðkál

Nokkrar matskeiðar af ólífuolíu

Salt

 

Borðið fram með piparmyntupestói:

Góð lófafylli af piparmyntulaufum, tekin af stönglinum og rifin (eða skorin, má alveg)

Lófafylli af pístatsíuhnetum, settar í mortel og muldar en mjög gróft

Ein matskeið af rifnum parmesan

Rifið hýði af einni lífrænni sítrónu

Þrjár matskeiðar af góðri ólífuolíu (meira ef þarf þetta á að vera svona gróft mauk)

Nýmalaður pipar yfir

 

Þetta er uppáhaldsforréttur Nautnabelgs um þessar mundir!